14/05/2019

14 მაისს ქუთაისის ოპერისა და ბალეტის თეატრში გაიმართა კომპოზიტორ კახა ცაბაძის საიუბილეო კონცერტი.

შესრულდა კახა ცაბაძის მიერ სხვადასხვა პერიოდში შექმნილი კამერულ-ინსტრუმენტული, ვოკალური  ნაწარმოებები, კონცერტები სოლო საკრავებისა და სიმფონიური ორკესტრისთვის.

კონცერტში მონაწილეობდნენ:
ქუთაისის სახელმწიფო სიმფონიური ორკესტრი, დირიჟორი - რევაზ ჯავახიშვილი;
საქართველოს კომპოზიტორთა კავშირის ინსტრუმენტული ტრიო - მაია ჯინჭველაშვილი, ქეთევან თავშავაძე, ია ბახტაძე; 
ქუთაისის სიმებიანი კვარტეტი;
სოლისტები: თამარ ლიჩელი, გიორგი ქობულაშვილი, ბესიკ გაბიტაშვილი, ნათია სტეფანიშვილი და სხვ.
კონცერტი ჩატარდა ქუთაისის მუნიციპალიტეტის მერიის, ქუთაისის კულტურულ, სახელოვნებო და საგანმანათლებლო დაწესებულებათა გაერთიანებისა და საქართველოს კომპოზიტორთა კავშირის მხარდაჭერით.