06.10.2020

6 ოქტომბერს, ღია სივრცეში - გია ყანჩელის სახელობის არტოს ბაღში, გაიხსნა XV საერთაშორისო ფესტივალი “აღდგომიდან ამაღლებამდე”. ფესტივალის პირველ საღამოს კომპოზიტორ სულხან ცინცაძის დაბადების 95 წლისთავისადმი მიძღვნილი გალა-კონცერტი და ვიდეოფილმის საპრემიერო ჩვენება გაიმართა.

კონცერტში მონაწილეობდნენ:

სულხან ცინცაძის სახელობის სახელმწიფო სიმებიანი კვარტეტი - გიორგი ხაინდრავა (I ვიოლინო), ნიკა ბარათელი (II ვიოლინო), ნოდარ ჟვანია (ალტი), ოთარ ჩუბინიშვილი (ჩელო);

საქართველოს კომპოზიტორთა კავშირის სიმებიანი კვარტეტი - ანა გალდავაძე (I ვიოლინო), ბაქარ ღიბრაძე (II ვიოლინო), სამველ პერიხანიანი (ალტი) და ევგენი ინჩაგოვი (ჩელო);

მარიკა მაჩიტიძე (სოპრანო), ანა ხარაიძე (სოპრანო), გიორგი შავერზაშვილი, (ფ-ნო),

სანდრო გოგატიშვილი (ჰობოი), ვიქტორია ვაგნერ-სურმავა (ფ-ნო), ჯაზ-სექსტეტი “Quintessence”, ბუკა კარტოზიას ხელმძღვანელობით.

შესრულდა სულხან ცინცაძის საკვარტეტო და ვოკალური ნაწარმოებები და, ასევე, მისი შვილების - გიორგი ცინცაძის და ირაკლი ცინცაძის ნაწარმოებები.