03.10.2020

თბილისის საკრებულოს გადაწყვეტილებით, თბილისში, აღმაშენებლის გამზირზე მდებარე “არტოს ბაღს” გამოჩენილი ქართველი კომპოზიტორის გია ყანჩელის სახელი მიენიჭა.

ეს ბაღი კულტურული მემკვიდრეობის ძეგლია, სადაც ათეული წლების მანძილზე ხელოვნების სფეროს წარმომადგენლები იკრიბებოდნენ და უზიარებდნენ ერთმანეთს საკუთარ შემოქმედებას. ამასთან, ეს ადგილი არის უბანში, სადაც გია ყანჩელი დაიბადა და გაიზარდა. მისი ცხოვრების მნიშვნელოვანი პერიოდი ამ უბანს და ტერიტორიას უკავშირდება.

ამიერიდან ამ ბაღს „გია ყანჩელის სახელობის არტოს ბაღი“ ეწოდება.